ՔՆԿՈՏ ՊԱՀԱԿԸ
Եղել է մի թագավոր։ Այդ թագավորը շարունակ որսի գնալիս է եղել իր տղայի հետ: Օրերից մի օր այս թագավորի պահակը երազում տեսել է, որ թագավորի տղան խփվեց։ Նա վեր է կացել, գնացել թագավորի մոտ ու ասել է․
— Թագավոր ապրած կենա, այսօր տղայիդ որսի մի տար , գիշերը տգեղ
երազ եմ տեսել։
Այս թագավորը սրա ասածը անգամ չի լսում ու տանում է: Որսի տեղը հասնելն ու թագավորի տղայի խփվելը մեկ է լինում։ Այս թագավորը որսից գալիս է ու, թագավորին ինչպես հարիր է, կանչում է իր դահիճին ու հրամայում է, որ պահակին տանի ու ժողովրդի առջև գլուխը թռցնի։ Երբ վեզիրնին հարցնում են, թե. «Թագավորն ապրած կենա, ինչու ես գլուխը թռցնել տալիս, թագավորը ասում է։
— Պահակը ինչու է քնել, որ մի հատ էլ երազում տղայիս տեսել է սպանված։
Բառարան
Հորսի-որսի
քնելիս-գնալիս
ըսօր-այսօր
Կուշտը -մոտը
Կեշ — տգեղ, վատ
Ըրազ— երազ
Լայաղ ա — վայել է
Ըղաքին – առջեւ
Վարազդատ Մահամ 